जुनि कान रे | मैथिलि कबिता - Maithili Lekh

जुनि कान रे

मैथिलि कबिता -Maithili Lekh

लेखक: Jagdish Chandra Thakur

जुनि कान जुनि कान जुनि कान रे

बौआ जुनि कान रे,

ने त कौआ ल' जेतौ तोहर कान रे |

खा ले जल्दी, सूति रह चुप-चाप

नहि त भकौआँ धरताे

सुनहिन हे जंगलमे गीदड़ बजै छै

टांग पकड़ी ल' जेतौ

एतौ लकडसुंघा धोकड़ीमे कसिक'

नेने चल जेतौ अपन गाम रे |...

काल्हि अबैछै बौआके बाबू

नेने कते बस्तुनमा

हमरा बौआले' अंगा-टोपी

रंग-विरंगक खेलौना

साइकिलके घंटी बौआ टुनटुन बजेते

देखि जुडायत हमर प्राण रे |...

बचिया रधिया बड बदमास'छि

बौआ हमर बुधियार

भोरे बौआक बाबाकें कहि क'

मंगबा देबै कुसियार

कल्हि खन नानीक गामसं अबैछै

चंगेरा भरल पूरी-पकवान रे |..

भोरे बौआले' भानस करबइ

भात-दालि-तरकारी

बुचियाकें कनियों नै देबै

बौआकें भरि थारी

दुःख केर ई राति बौआ बीतत अबस्से

असरा गरीबक भगवान रे |.......

Subscribe Our Newsletter

Recent Gedgets